Oct
19

Argos arkitektastofa, Gullinsnið og Studio Granda hljóta viðurkenningu Philippe Rotthier stofnunarinnar 2011





Laugardaginn 15. október s.l. fór fram afhending viðurkenninga Philippe Rotthier stofnunarinnar árið 2011 fyrir bestu endurnýjun í borgum, bæjum eða byggingum í Evrópu sl. fimm ár. Athöfnin fór fram í Arkitektúrsafninu í La Loge í Bruxelles.

Viðurkenningarnar voru veittar í formi verðlauna eða sérstakra viðurkenninga. Dómnefndin valdi að þessu sinni 30 verk af rúmlega 100 verkefnum sem komu til dóms, veitti sjö peningaverðlaun, samtals að upphæð 30 þús. evrur, ein sérstök verðlaun og þrjár sérstakar viðurkenningar dómnefndarinnar.

Meðal viðurkenninganna þriggja var endurnýjun byggðar og bygginga á horni Lækjargötu og Austurstrætis, samstarfsverkefni arkitektastofanna ARGOS, Gullinsniðs og Studio Granda.
Verkefnið var unnið fyrir Reykjavíkurborg.
 
ARGOS Arkitektastofa Grétars og Stefáns: Arkitektar Grétar Markússon og Stefán Örn Stefánsson
Gullinsnið: Arkitekt Hjörleifur Stefánsson
Studio Granda: Arkitektar Margrét Harðardóttir og Steve Christer

Ljósmyndir: Sigurgeir Sigurjónsson.